Пневматическай саанан ытыыга күрэхтэһии

Repost @tompo_vestnik
location: Томпонский район
Муус устар 3 күнүгэр Е.П. Неймохов аатынан Мэҥэ Алдан орто оскуолатыгар ыытыллыбыт үөрэнээччилэргэ пневматическай саанан ытыы күрэхтэһиитигэр түөрт хамаанда күөн көрүстэ. Бу көрүҥ быйыл ыытыллар «Манчаары оонньууларын» бырагыраамматыгар киирдэ. Хас биирдии кыттааччы «куропатка» көрүҥҥэ биирдиилээн уонна хамаанданан күрэстэстэ. Уопсай түмүккэ, кыргыттарга чаҕылхай түмүгү Матаркина Сайыына (КХОО, тренер Попов С.П.), иккиһи Атастырова Алина (МАОО, тренер Бурнашев В.Н.), үсүһү Тимофеева Анжелика (АТСО, тренер Слепцова Н.С.) ситистилэр.

Уолаттарга Мэҥэ Алдан орто оскуолатын 11 кылааһын үөрэнээччитэ Тарабукин Алексей кыайыылааҕынан буолла. Иккис-үһүс миэстэҕэ Кириэс Халдьаайыттан Яковлев Александр, Тегюрюков Николай таҕыстылар.

Хамаанданан түмүккэ Кириэс Халдьаайы хамаандата бастаата. Мэҥэ Алдан орто уонна Арыы Толоон сүрүн оскуолаларын хамаандалара иккис-үһүс миэстэлэри үллэһиннилэр.

Күрэхтэһиини Мэҥэ Алдан орто оскуолата ( дир. Бурнашев В.Н.) уонна Томпо оройуонун физическэй культураҕа уонна спорка салаата (сал. Майоров М.Н.) үбүлээн тэрийдилэр.

Лена Слепцова.

https://www.instagram.com/p/CNO_645hFNW/