1996 сыл олунньу 9 күнүттэн Саха Республикатын бастакы президенин М.Е. Николаев ыйааҕынан С.А. Новгородов төрөөбүт күнэ «Төрөөбүт тыл, сурук-бичик күнүнэн» биллэриллибитэ

1996 сыл олунньу 9 күнүттэн Саха Республикатын бастакы президенин М.Е. Николаев ыйаа5ынан С.А. Новгородов төрөөбүт күнэ «Төрөөбүт тыл, сурук-бичик күнүнэн» биллэриллибитэ. Бу күнтэн ыла сыл ахсын саха тыллаах бу күнү уруйдаан-айхаллаан көрсөр. Саха тылын сайыннарыыга, үйэтитиигэ аналлаах араас дьаhаллар, тэрээһиннэр, күрэхтэр ыытыллаллар. Е.П. Неймохов аатынан Мэҥэ-Алдан орто оскуолатыгар саха тылыгар аналлаах тэрээһин олунньу 11 күнүттэн олунньу 19 күнүгэр диэри ыытылынна.
Дьыктаан — 2021 «Туйгун суруксут» аатын бэһис кылаас үөрэнээччилэриттэн Чирикова Евгения, Юмшанова Наташа, Говорова Карина, алтыс кылаас үөрэнээччилэриттэн Захарова Милена, Егоров Алик, сэттис кылаас үөрэнээччилэриттэн Захаров Игорь, ахсыс кылаас үөрэнээччилэриттэн Трофимов Саарын, Хоноёхов Юрий, тохсус кылаас үөрэнээччилэриттэн Ковлекова Дарина, Саввина Алла, онус кылаас үөрэнээччилэриттэн Канаев Анатолий, Колодезников Илдьар, уон биирис кылаас үөрэнээччилэриттэн Софронова Селена, Колодезникова Оля, Колодезникова Наташа ыллылар.
«Поэзия күнүгэр» оҕолор төрөөбут тылларынан саха поэттарын хоһооннорун уустаан-ураннаан аахтылар. Төрүт тыл муҥура суох баайынан иэйиилэрин, санааларын тиэртилэр. Оскуола библиотекара Павлова В.И. кинигэ быыстапкатын тэрийэн, тыл туһунан билиилэрин хаҥаттылар. Саха тылын уонна сурук-бичик күнүгэр оскуола үлэһиттэрэ, үөрэнээччилэрэ сахалыы таҥнан, симэнэн кэлбиттэрэ олус кэрэхсэбиллээх. Кылаас салайааччылара төрөөбүт тыл, саха норуотун, суругун-бичигин төрүттэниитин, сахалартан бастакы лингвист үөрэхтээх С.А. Новгородов туһунан кылаас чаастары ыыттылар. Оскуола асчыттара оҕолору алгыстаах алаадьынан күндүлээтилэр. Нэдиэлэ устата перемена аайы сахалыы ырыа ылламмыта туспа сахалыы куттаах эйгэни тиэртэ.
Хаһыаттар куонкурустарыгар үрдүкү кылаастар араас тыл оонньуутун, таабырыннары, ребустары уруһуйдаабыттара. 1м- 10 кылаас, 2м-5 кылаас, 3 м-8 кылаас ыллылар. Үөрэнээччилэр 4 өрөспүүбүлүкэтээҕи «Ийэ тыл» олимпиадаҕа, саха бэйиэтэ Винокуров Федор Григорьевич — Даадар төрөөбүтэ 110 сааһын бэлиэтиир «Даадар ааҕыылара» өрөспүүбүлүкэтээҕи күрэххэ, 3 аһаҕас «Тыыннаах тыл» кэтэхтэн куонкуруска, өрөспүүбүлүкэтээҕи «Кэскил оҕо хаһыата Н.Е. Мординов-Амма Аччыгыйа төрөөбүтэ 115 сылыгар аналлаах челлендж-куонкуруска кыттыыны ыллылар. «Булугас өйдөөхтөр» диэн
тыл оонньуутугар хамаанданан арахсан оонньоотулар. «Өбүгэм аһа» диэн хаартыска быыстапката тэрилиннэ. Манна оҕолор сахалыы аһы астаан, туох наадатын, хайдах астанарын суруйан, дьиэлэригэр төрөппүттэрин кытта сандалы остуолу тартылар. Остуол оонньуутун «Хабылык», «Хаамыска» күрэҕэр 1 м-6 кылаас, 2 м-7 кылаас, 3 м-9 кылаас, кыргыттарга 1 м-Захарова Милена, 2 м-Хоноёхова Яна, 3 м-Чирикова Евгения, уолаттарга 1 м-Варфоломеев Максим, 2 м-Колодезников Даниель, 3 м-Трофимов Саарын ыллылар.
О5олор саха тыла симэлийэн хаалбата, сүппэтэ биһигиттэн эмиэ улахан тутулуктаах дииллэрэ киһини биһирэтэр.

Биһиги тылбыт — саха тыла,
Онто суох кэпсэппэппит.
Биһиги төрүппүт — саха дьоно,
Өбүгэбитин умнубаппыт.

Былыргы кэмнэр ааһаннар
Уус-уран тыл намтаата.
Аныгы үйэлэр кэлэннэр
Төрөөбүт тылбыт мөлтөөтө.

Сахабыт тылын умнумуох!
Төрүт тылы сайыннарыах!
Өбүгэбит тылынан киэн туттуох!
Төрөөбүт тылбытын таптыах!

Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун! — диэн, Эллэй эһэбит этэн кээспит эйэлээх олохпут эҥсилгэннээх эһиэкэйинэн үөрүүлээх тэрээһиммит түмүктэннэ.

https://www.instagram.com/p/CLgh32Hh6Nc/