Ийэ күнүгэр аналлаах Е.П.Неймохов аатынан Мэҥэ-Алдан орто оскуолатын үөрэнээччилэрин айар үлэлэрэ

?Ийэм

Күн курдук күндү,

Көмүс киһим ийэм.

Сылаас эн илиилэрин миигин

Сылаанньытар, уоскутар.

Ырыа аргыстаах ийэм

Ыра саныыбын сирдиир.

Амарах сүрэхтээх,

Аһыныгас дууһалаах.

Сайаҕас санаалаах,

Сымнагас майгылаах.

Кыра эрдэхпиттэн

Көмөлөһөн, бүөбэйдээн улаатыннарбыт.

Мин ийэм — мин олоҕум аргыһа.

Туохха да тэннэспэт киһибин,

Ийэлэр күннэринэн эҕэрдэ тиэрдэбин!

Кириллова Күннэй, 8 кылаас

?Мин ийэм аата Кириллова Елена Егоровна, кини «Кыымчаан» о5о саадыгар иитээччи көмөлөһөөччүтүнэн үлэлиир. Үс кыыс амарах ийэтэ. Күн сирин Таатта улууьугар Уолба нэһилиэгэр көрбүтэ, онно үөрэнэн улааппыта. 2007 сыллаахха Мэнэ-Алдаҥҥа кийиит буолан көһөн кэлбитэ. Эдьиийим аата, Күннэй, кырачаан балтым Мичийээнэ. Мин орто кыыспын. Ийэбитигэр үһүөн көмөлөһөбүт, иһит сууйсабыт, дьиэни хомуйабыт. Биһиги бары ийэбитин күүскэ-күүскэ таптыыбыт. Кун сирин кордоробут ийэбит.

Кириллова Сайнаара, 5 кылаас

?Мин ийэм

Мин ийэм аата Надежда. Кини «Кымчаан» оҕо саадыгар көрөөччүнэн үлэлиир. Ийэм иллэҥ кэмигэр дьиэ хомуйааччы, телефонун көрөөччү уонна оонньооччу. Мин ийэм кэрэ харахтаах, үтүө майгылаах, үтүө санаалаах. Кини сороҕор кыһырааччы, сороҕор мөҕөөччү гынан баран биһигини таптыыр уонна барыларын истэр уонна көмөлөһөр. Мин ийэм 5 оҕолоох. Улахан оҕото-Селена. Кини устудьуон. Медицинскэй коллеждка үөрэнэ киирбитэ. Орто оҕото-мин. Мин аатым Айыына, 6 кылааска үөрэнэбин. Кыра оҕото-Саша. Кини 3 кылааска үөрэнэр. Өссө кыра оҕото Вероника. Кини оҕо саадыгар сылдьар. Ийэм миигин барытыгар үөрэппитэ, ааҕарга, үчүгэйдик суруйарга. Мин киниэхэ дьиэ хомуйарга, иһин суруйарга дьиэни хомуйарга көмөлөһөбүн. Мин киниэхэ миигин төрөөбүтүгэр уонна миигин хаамарга, бу сири үчүгэй өттүттэн көрөргө көмөлөспүттэр махтаныахпын баҕарабын. Мин ийэлэр барытын үчүгэйи баҕарабын, үтүө доруобуйаны уонна уһун кэрэ олоҕу.

Васильева Айыына, 6 кылаас

?Тапталлаах ийэм

Мин ийэм Чирикова Мария Васильевна. Кини оҕо саадыгар сэбиэдиссэйинэн үлэлиир. Күн аайы докумуон толорор. Ийэм үлэтиттэн кэлэн баран ас астыыр. Онтон иллэҥ кэмигэр баайарын, иистэнэрин сөбүлүүр. Кини эйэҕэс, үтүө майгылаах киһи. Мин тугу эрэ өйдөөбөтөхпүнэ наар көмөлөһөн тахсар. Ийэм икки оҕолоох. Бастакы оҕото мин, улахан эдьиийим. Кини билигин ийэм балтытын кытта атын дэриэбинэҕэ олорор. Онтон иккис оҕото мин. Миигин ас астыырга, иистэнэргэ үөрэтэр. Мин сороҕор кини кэлэ илигинэ ас астааччыбын, дьиэни хомуйабын. Мин киниэхэ ситиһиини уонна доруобуйаны баҕарабын.

Чирикова Женя, 6 кылаас

?Ийэбэр куруук көмөлөһөбүн

Мин ийэм аата Анна Васильевна. Администрацияга үлэлиир. Үлэтин сөбүлүүр. Мин ийэбэр эдьиийдээх. Онтон мин бырааттаахпын. Ийэм биһигин олус таптыыр. Эдьиийин, бэйэтин ийэтин эмиэ. Мин ийэбэр ас астыырга, муоста, иһит сууйарга, бырааппын көрөргө көмөлөһөбүн. Бэйэм даҕаны астыыбын. Биһиги ийэбитигэр улахан махтал. Уһуннук олор!

Слепцова Марианна, 5 кылаас

?Ийэбэр

Ийэ таптала — оҕо Оҕотун таптала -Ийэ. Ийэм, таптыыбын эйигин, Ийэм таптала истиҥ. Ийээ, өйдүүгүн миэхэ тапталгын биэрэргин, Ийээ, ол барыта эн, күндү мин аанньалым. Түүн киэһэ утуйбакка, Түүннэри миигин кууһарын «Ол барыта эн ийэ» Ийэм эйигинтэн хаьан да барыам суоҕа Ийээ, эн миэхэ тапталгын биэрбитин. Ийээ, аны мин тапталбын эйиэхэ биэриэм. Күндү ийэм Анна Яковлевна Мин эйиэхэ сурэхпин, тапталбын биэрэбин.

Винокурова Юрианна 8 кылаас